Diploma in TESOL program gaw English Laika hpe hkaja na matu myit lawm ai hte kung kyang ai English sharin sara kaja byin mayu ai ni a matu hpaw ninghtan da ai program langai rai mali ai.

Diploma in TESOL program gaw lahkawng ning lung ra ai program rai nna, laning mi pang (1^st Year) hta gaw lawu tsang English sharin sara byin wa na ni hpe sharin shakat ya nhtawm, lahkawng ning pang (2^nd Year) hta gaw lapran tsang sharin sara byin wa na matu shalat shapan ya nga ai. Jawng lung ladaw hpe laning mi hta numdaw lahkawng garan da nhtawm, credit system hte jepjoi ai ladat hpe jailang ai.

Diploma in TESOL program hta English laika hte seng ai Theory ni, bai nna English Grammar, Phonic Studies, Study Skills hte Proficiency ginhpan ni hte English sharin sara langai hta nga ra ai myit jasat laisa ni hpe sharin ya nga ai. Theory ginhpan ni hta English laika sharin ladat amyumyu (English Language Teaching Methodologies) ni hpe sharin ya nga ai. Dai hta n-ga, chyechyang madang san jep ladat (Language Assessment), Child Psychology, hte Teaching Profession ni hpe mung sharin ya nga ai. Proficiency ginhpan hta English laika, ga kungkyang lam hpan mali (four skills) hpe sharin ya nga ai.