Diploma in Education program gaw sara hpaji hpe madung sharin ya ai program rai nga ai. Sara ni hta nga ra ai atsam ningja (skills), myit masa arawn alai (attitude) ni hte machye machyang (knowledge) ni hpe dai ni na prat madang hte bung pre ai hku sharin ya nga ai program langai rai nga ai.  Bai nna ndai program gaw lahkawng ning (2 years) lung ra ai. Langai ning pang (1^st year) hta lawu tsang madang, lahkawng ning pang (2^nd year) hta lapran tsang madang hpe sharin achyin ya nga ai. Jawng lung ladaw hpe laning mi hta numdaw lahkawng garan da nhtawm, credit system hte jepjoi ai ladat hpe jailang ai.

Diploma in Education program hta n chye n mai rai nga ai theory course ni, sharin ginhpan (subject matter) ni hte sharin ladat (teaching methodologies) ni hpe mahkri shawn let sharin ya nga ai. Theory course ni hta Foundation of Education, Child Psychology, Instructional System Design, Learning Assessment, Teaching Profession, Educational Administration & Leadership, Environmental Education hte Practicum ni hpe Jawngma Madung Tawn Ladat (Child-Centered Approach) hte maren sharin ya nga ai.

Diploma in Education program hta atsawm sha hkaja nna awng dang hkra shangut shakre la lu ai ni gaw lawu tsang hte lapran tsang jawngma ni hpe sharin achyin ya lu ai jawng sara ni tai wa na re. Dai majaw, sharin achyin lam hte sara hpaji hpe myit lawm ai ni kadai raitim ndai program hta sa hkaja la mai nga ai.