Diploma in TCL program gaw Miwa ga, Laika hpe hkaja na matu myit lawm ai hte kung kyang ai Miwa ga, laika sharin sara kaja byin mayu ai ni a matu hpaw ninghtan da ai program langai rai mali ai. Dai sha n-ga, Miwa mungdan na Dakkasu ni hta matut hkaja mayu ai ni a matu mung hkyen lajang ya ai program re.

Diploma in TCL gaw masum ning lung ra program rai nna, langai ning pang (1^st Year) hta Miwa ga, laika kungkyang lam (language skills), lahkawng ning pang (2^nd Year) hte masum ning pang (3^rd Year) hta Miwa ga, laika sharin sara hpaji hpe madung sharin achyin ya ai re. Jawng lung ladaw hpe laning mi hta numdaw lahkawng garan da nhtawm, credit system hte jepjoi ai ladat hpe jailang ai.