Sinpraw Ginwang Ginjaw Mai Ja Yang Muklum kaw hpaw sharin nga ai Mai Ja Yang Institute Of Education MIEd jawng a 2022-2023 ning hpaji ladaw hta jawng lung na jawngma ni hpe mying jahpan hkap la nga sai lam chye lu ai.
June shata (10) ya kaw nna July (15) du hkra hkap la na rai nna MIEd jawng kaw nna PC hte Dip 1st year ngut da nna jawngbai matut lung na jawngma ni gaw July 25 ya shani kaw nna 30 ya laman mying jahpan hpe hkap la na re lam chye lu ai.
MIEd jawng hta PC English 1 year program, Pc Chinese 1 year program, Diploma in Education 2 year program, diploma in TESOL 2 year program, Diploma in Teaching Chinese Language 2.5 year program hte Certificate in Teaching training 5 Month program ni hpe sharin ginlen ya nga ai re.
Laiwa sai 1997 ning hta sara Hpaji sharin jawng TTS ngu nna hpraw sharin ya nga ai hpe 2008-2009 ning kaw nna TTC ngu ai Sara hpaji hkawlik ngu nna ninggam shatsaw sharin ya nga sai re hte 2014-2015 ning kaw nna Mai Ja Yang Institite Of Education (MIEd) ngu nna Dakkasu ninggam shatsaw sharin ya nga ai re .